الوسم: المناسبات

السلام عليكم
جبتلكم حلوى بنيييييييينة شكلها جميل تصلح للأعياد والمناسبات المقادير هذي تتحصلي بيها على 100 حبة وتقدري تنقصي ولا تزيدي فيهم حسب الرغبة
1-المقادير
كيلو فرينة -رطل مرغرين ذايبة وباردة -3 م ك سكر رطب -3بيض -فاني -باكي خميرة -ماء الزهر
2-الحشو
250غ زبدة -250غ عسل-250غ كاوكاو محمص ومرحي خشن -كمية من حلوة الترك
ونحتاجو شوكولا للتزيين ورقائق اللوز وbrillant alimentaire
التحضير
نحط المرغرين الذايبة والفرينة ونخلط باليد حتى تتداخل نظيف السكر والفاني والخميرة ونلم بالبيض وشوية ماء زهر …نبسط العجينة بالحلال بسمك متوسط ونقطع شريط عرضة 6 سم بعد ذلك نحط المول الخاص بالسيقار في بداية الشريط ونلف دورة واحدة ونقطع ونحطهم فالبلاطو على الجهة لي غلقناه منها
ندخلهم للفرن يطيبو على درجة حرارة متوسطة وكي يطيبو نخليهم يبردو تماما وننزعهم من لي مول
تتحصلو على الشكل هذا

نذوبو الشوكولا على حمام مائي نجيبو بلاطو ونحطو عليه ورق الزبدة ومشبك نحطو الحلوى فوق المشبك وبواسطة ملعقة نغطي السيقار بالشوكولا والكمية لي تنزل تحت المشبك نقدرو نعاودو نستعملوها
انا زينتها برقائق اللوز وهذا هو الشكل النهائي

ان شاء الله تكون عجبتكم

امممممممممم راني صايمة اعذروني نسيت محكيتش على الحشوة هههههههههههههههههه بواسطة خلاط كهربائي تطلعي كريمة الزبدة تعك بالعسل تضيفيلها الكاوكاو وحلوة الترك هكا تكون الحشوة واجدةبعد ما تغطيهم بالشكولا كي ينشفو وتبداي تحطي الحشوة تعك بواسطة ملعقة انا معمرتهاش بزاف بش تجي خفيفة

يعطيك الصحة يا اختي اتحفتينا باطبقاك وحلوياتك

ان شاء الله تكون مرجع للمهتمين

نترقب المزيد من المشاركات

رائعة اختاه سخفتيها

تسلميلي حبيبيتي بانتظار اطباقك الجديدة

شكرا لغزالة المنتدى وsasuke على المرور راني نتعلم معاكم ان شاء الله نفيد ونستفيد ايضا من شيفة وغزالة المنتدى لي راهي تشهي فينا بالموائد تعها يعطيكم الصحة و بدوري نشجعكم …..الى الاماااااام الى الامام ثورة ثورة هيههيهييييي

السلام عليكم ورحمة الله
الحلوى لي رح تشوفو معايا اليوم أنا شخصيا أول مرة نجربها عجبتني بزاف في شكلها لأنها بريزونتابل تحمرلك وجهك تصلح للاعياد وللسهرات الرمضانية وتقدري تحتفظي بيها لمدة لاباس بيها للضيوف الغفلة هكا تكوني ديما واجدة وعندك وش تحطيلهم

مقاديرها في المتناول ومتوفرة في كل بيت وهي

-كاس فرينة
-كأس حليب دافيء
-حبة بيض
-رشة ملح
-ملعقة صغيرة خميرة كميائية
وأكيد لازملك المول الخاص بهذ الحلوى تلقايه فالاسواق باشكال مختلفة انا خيرت الشكل الموضح في الصورة

التحضير
تحطي المقادير مع بعض ثم تخلطيهم بالميكسور حتى تتحصلي على عجينة تشبه عجينة الغرايف ولي كراب يعني العجينة متكونش جارية ولا خاثرة …….لما تتجانس العجينة تعك غطيها بكيس بلاستيكي لمدة 15 دقيقة بش تتخمر كما فالصورة

لما يتخمر الخليط في مقلات ضعي الزيت خليه يسخن وجيبي المول تعك اغطسيه في هذا الزيت توقفيه بشكل عمودي ومتخليهش يغطس كلو غطسيه الى النصف فقط (كي نقول النصف منقصدش هذاك المقبض ولكن منتصف الوردة لي فالقاعدة ) للأسف مقدرتش نصور هذ المرحلة كنت وحدي فالمطبخ مصلحتش نكون منشطة للحصة ومخرجة في نفس الوقت هعهع
المهم المول خليه يسخن جيدا بش متتلصقلكش العجينة فيه والعجينة ايضا خليها تتخمر بش تعطيك نتيجة مليحة….المهم لما تحسي المول تعك سخن خرجيه من الزيت وغطسيه تاني فالعجينة الى النصف كما درتيلو فالزيت ومن تم حطيه فالزيت يتقلى بنفس الطريقة ردي بالك تخليه يعوم دااائما يكون للنص بش
متصادفيش هذ الحالة

كي تفوتيها لمصلحة الاستعجالات وتخلي العجينة ترتاح والمول يكون سخون رح تكون نتيجة مرضية كما هذي

وهذي

كي طيب حاولي تنحي الوردة برفق من الطابع وهي سخونة تكوني حضرتي الشربات عسليها ولصقي كل زوج مع بعضاهم ولا خلي كل وحدة وحدها حسب الرغبة وقدميها مع الشاي
هذا الشكل النهائي

ان شاء الله يكون الشرح واضح …..وبصحتكم

وااااااااااااو تبان ساهله وخفيفه

راح نجربها ان شاء الله وإذا لقيت مشكل راح نسقسيك اوكي ؟؟

الغزالة ,نسمة الاوراس معجبون بهذا

اوكي من عينيا عزيزتي راني فالخدمة انشاء الله تنجحلك

شكرا لك على الموضوع والحلوى الرائعة والشهية

ان شاء الله يحصل لنا الشرف بتذوقها

[QUOTE=abdou-E.P.S;231852]شكرا لك على الموضوع والحلوى الرائعة والشهية

ان شاء الله يحصل لنا الشرف بتذوقها[/QUOTE

هيا مد يدك باسم الله راك قريب منا فالعيد اضرب دورة

بارك الله فيك ان شاء الله يستفيد منه الجميع

يعطيك الصحة

merci madam bouhamed

بارك الله فيك اختي كتاب قيم