السلام عليكم 
جبتلكم حلوى بنيييييييينة شكلها جميل تصلح للأعياد والمناسبات المقادير هذي تتحصلي بيها على 100 حبة وتقدري تنقصي ولا تزيدي فيهم حسب الرغبة
1-المقادير
كيلو فرينة -رطل مرغرين ذايبة وباردة -3 م ك سكر رطب -3بيض -فاني -باكي خميرة -ماء الزهر
2-الحشو
250غ زبدة -250غ عسل-250غ كاوكاو محمص ومرحي خشن -كمية من حلوة الترك
ونحتاجو شوكولا للتزيين ورقائق اللوز وbrillant alimentaire
التحضير
نحط المرغرين الذايبة والفرينة ونخلط باليد حتى تتداخل نظيف السكر والفاني والخميرة ونلم بالبيض وشوية ماء زهر …نبسط العجينة بالحلال بسمك متوسط ونقطع شريط عرضة 6 سم بعد ذلك نحط المول الخاص بالسيقار في بداية الشريط ونلف دورة واحدة ونقطع ونحطهم فالبلاطو على الجهة لي غلقناه منها
ندخلهم للفرن يطيبو على درجة حرارة متوسطة وكي يطيبو نخليهم يبردو تماما وننزعهم من لي مول
تتحصلو على الشكل هذا
نذوبو الشوكولا على حمام مائي نجيبو بلاطو ونحطو عليه ورق الزبدة ومشبك نحطو الحلوى فوق المشبك وبواسطة ملعقة نغطي السيقار بالشوكولا والكمية لي تنزل تحت المشبك نقدرو نعاودو نستعملوها
انا زينتها برقائق اللوز وهذا هو الشكل النهائي
ان شاء الله تكون عجبتكم 
ان شاء الله تكون مرجع للمهتمين
نترقب المزيد من المشاركات
تسلميلي حبيبيتي بانتظار اطباقك الجديدة
