السلام عليكم ورحمة الله تعالى وبركاته
هاني رجعتلكم من جديد والان مع طبق خفيف وبنين واناا شخصيا نموت عليه
لي هو السفنج او ما يعرف في مناطق اخرى بالخفاف
على بركة الله
المقادير
500 غ فرينة +زبدة+ ملعقة كبيرة سكر + خميرة عادية + خميرة نوارة+ ملح + بيضة + ماء دافي
وزيت للقلي
الطريقة
ديري حفرة فالفرينة
تحطي فيها الخميرة
مغرف سكر
الخميرة نوارة
تحطيهم كلهم مع بعض فالحفرة لي درتيها فالفرينة
وفوقهم العضمة
من بعد تخلطيهم مليح حتى يندمج الخليط مع العظمة بعدها تخلطيه مع الفرينة حتى تتاكدي انو كل المكونات ندمجت مع بعضها البعض
بعدها تزيدي ديري حفرة فالفرينة وتحطي الماء الدافي بشويا ماشي مرة وحدة
حتى تتلملك العجينة مليح وتحسيها تجمعت بين يديك
بعدها تحطيها ترتاح
وتغطيها بحاجة
بعد ما ترتاح تجيبيها
تحطيها فوق حاجة مسطحة كيما انااي نخدم فوق البوتاجي
وتطرحيها عليه بالحلال 
تجيبي حاجة دائرية وتقطعي بيها 
وتحطيها على العجين وتبداي تقطعي على بركة الله
يااما تخليهم هكاا وتقليهم في نار سخونة
والا تجيبي قطاعة صغيرة الحجم ولا اي حاجة دائرية صغيرة قطعي بيها دوائر فالنث 
تبداي تقطعي بيها حاولي تكون فالوسط بالضبط
بعدها تنحي الدوائر الصغيورات 
وتزيدي تنحي العجين الزائد
تخلي العجين الزائد بجهة تعاودي تكوريه وتعاودي نفس العمل حتى يخلاصلك العجين كامل
نروحو للقلي
تجيبي مقلة صغيرة وغامقة باه تكون فيها الزيت بزااف وتتقلى مليح
تخلي الزيت تسخن مليح بعدا تحطي السفنج بلاعقل متخبيهش لطير عندك الزين ونحصل فيك ههههههههه
كي تكون الزيت ساخنة مليح بمجرد متحطي الوحدة فيها تطلع للفوق ويزيد حجمها
وتجيبي هدااي تقلبي بيه باه متفزديش الشكل 
بعدها كي تشوفي لونهم ولا دهبي تقلبيهم
توجدي كسكاس ولا بابي باه تحطي فيهم لي طابو
حطيهم مام با دقيقة تنحالها زيت بعدها غمسيهم في سكر غلالاصي 
وتقدميهم والف هناا وشفاء
وبصحتكم
ان شاء الله يكون عجبكم
وفدتكم ولو بجزء قليل
ترقبو المزيد من الاطباق الحصرية فقط على منتدانا الغالي
تحياتي انااا غزالة المنتدى
تسلم ايديك حنا مانديروش
سكر قلاصي
ويجي خفيييييييييف ريشة
مرسي بزااااااف خوخة
|
المشاركة الأصلية كتبت بواسطة ســـارة
 بارك الله فيك اختي خولة
تسلم ايديك حنا مانديروش سكر قلاصي مرسي بزااااااف خوخة |
وفيكي بركة اختي الغالية
ايه نورمال ماشي شرط سكر غلالاصي
تقدر يديري يااما سكر عادي ولا ديري عليه العسل
العفو سرسوورة شكرا لكي على المرور
ابدعتي يا اختي يعطيك الصحة
|
المشاركة الأصلية كتبت بواسطة abdou-E.P.S
بغض النظر عن االسم والتسمية الاهم انهم يبانو بنان خاصة من يد احلى واروع طباخة في المنتدى بدون منازع
ابدعتي يا اختي يعطيك الصحة |
اكيد عبدووو كل منطقة وليها تسميتها المهم جهة الشاوية نعيطولهم السفنج
مرسي عبدوو ربي يخليك حشمتني 
الله يسلمك ويسمني
مرسي على المرور
كي تحبهم برك قولي نخدمهملك ماشي خسارة فخويا لعزيز .gif "Eh S(7)")
