السلام عليكم ورحمة الله وبركاته
هذا المطبق او فطاير الدجاج جدا خفيفه ولذيذه
مره سويتها ولما خلصت حشوة الدجاج
كملت باقي العجينه مسحتها بجبن كاسات ورشيت عليه زعتر
المهم
نحتاج الى:
1///عجينتك اللي معتمدتها للفطاير
انا استخدم:
4 كاسات طحين
ربع كاس سكر
نص كاس زيت
4 ملاعق حليب بودره
رشة ملح
1 ملعقه كبيره خميره فوريه
تعجن بالماء حتى تصير مثل العلكه
واعجنيها وكل ماطولتي بالعجن احسن وغطيها
وخليها تخمر وتتضاعف
2// حشوة دجاج
صدور دجاج مسلوقه ومفرومه
بصل مفروم
بقدونس مفروم
جبن كاسات
نحمس البصل مع شوية زيت
ثم نضيف البقدونس
ثم الدجاج
نبهره ونملحه
نضيف الجبن الكاسات <<عشان تتماسك الحشوه
3// تاوه –صاج — انا استخدمت بيتزا ميكر (صانع البيتزا) يجنن للسمبوسه تصير لينه ومشويه بدون دهن
<<ماكنها طلعت عن الموضوع
المهم خلاص كل شي جاهز نبدا الشغل
المواعين والعده اللي محتاجينها للعمليه::
طبعا تشوفون الماعون الازرق فيه العجينه
والصحن قطعت العجينه كور وقسمتها
والقدر فيه حشوة الدجاج
هذا صانع البيتزا للي ماتعرفه ومعه غطا بس ماستعملته
,,
ناخذ قطعه من العجينه ونفردها تمام لين تصير رقيقه
ونحطها على الصحن المدهون بشوية زيت
ونفرد ثانيه
نحط الحشوه عليها بدون الاطراف
نشيل اللي بالصحن ونطبقها على الحشوه ونظغط على الاطراف
ثمن نشيلها بخفها وبشويش ترى مايبلها مهاره بس انتبهي ونحطها على الشوايه
وننتظر حتى تستوي وتنضج ماتاخذ دقايق ثم اقلبيها للجهه الثانيه
الرجاء عدم الرد حتى اكتمال الموضوع
نشيل الفطيره من الشوايه ونحطها بصحن مستوي او صينيه
ونقطعها حسب الرغبه
انا قطعتها بقطاعه البيتزا مربعات
نظره داخليه وشوفو الطبقات
هذي اول وحده بعد التقطيع
وهذي باقي الكميه
منقوووووووووول
وعليكم بالعافيه
