و بارك الله في من قدمتها لنا
المقادير
ملعقتين صغيرة موطارد
كاس زيت
فنجان خل
القليل من عصير اليمون
القليل من السكر
حب الخردل
الماء
ملح
الطريقة
اولا ناخد كمية حب الخردل نحمصوه فوق النار غير شوية قد ما يتحمر
من بعد ندقوه فى المهراس مدشش ماشى نردوه غبرة
من بعد ناخدو ملعقتين موطارد صغيرة ونضيفو نصف الزيت ونخلطو بالباتور ماشى باليد حتى نتحصلو على كريمة متل المايونيز
الباقى من الزيت +خل+ملح +ليمون نخلطو بالباتور غير شوية
من بعد نضيفو هاد الخليط الاخير للخليط الاول غير بالشوية وحنا نحركو بالباتور
ملاحظة منحطوش قاع الخليط نديرو كيما المايونيز
فى الاخير راح نتحصلو على خليط على شكل كريمة نضيفولها الماء حسب الرغبة كاين لى يبغيها تقلية او كاين لى يبغيها خفيفة
واخيرا نديرو حبات الخردل مطحونة فيها
مجربة من طرف الزعيمة
منقولة مع بعض التعديلات
لكن ياريت لو زودتينا بالصورة لكانت افضل
تحياتي
مشراوش الخردل يا الغزالة هههههه والموطارد كلتو كامل اختها همس ههههه كيفاه راح تصورلك ؟؟؟ تصور نص برك ؟؟
ان شاء الله نشوفوا وصفات مصورة وحصرية لمنتدانا
كما تدين تدان ههههه vinaigrette تكتب هكذا يا زعيمتنا
بالتوفيق
راهي داتني في هاذيك السخانة ودورت بيا كامل الحوانت على
حب الخردل بصح مع الاسف ماشفتش كيفاه دارتها رجعت للدار كنت دايخة
ههههههههه رقدت
شكرا الزعيمة علاه ماعيطتيليش نجي نصور الصلصة
|
المشاركة الأصلية كتبت بواسطة الغزالة
 سلمت يداكي طباختنا الجميلة
لكن ياريت لو زودتينا بالصورة لكانت افضل تحياتي |
ههههههه الله غالب ماكاش كيفاه نصورهالك .gif "Eh S(3)")
المرة الجاية كي ندير عفسة أخرى نصورهالك
|
المشاركة الأصلية كتبت بواسطة abdou-E.P.S
شكرا على الطريقة والكيفية الرائعة يطباختنا المميزة تم ارسال نسخة للمطبخ lol
مشراوش الخردل يا الغزالة هههههه والموطارد كلتو كامل اختها همس ههههه كيفاه راح تصورلك ؟؟؟ تصور نص برك ؟؟ ان شاء الله نشوفوا وصفات مصورة وحصرية لمنتدانا كما تدين تدان ههههه vinaigrette تكتب هكذا يا زعيمتنا بالتوفيق |
هههه تم ارسال نسخة للمطبخ يا ترى الوالدة العزيزة قد جربتها أم ليس بعد
ههه لا كي نجربو شيء لازم تكون كامل المقادير حاضرة مي ماجاتش نصور vinaigrette 
وبالنسبة للكلمة كتبتها كيما قالي راسي هههه نشارشيو فيها هذي
بالتوفيق للجميع.
|
المشاركة الأصلية كتبت بواسطة همس الورد
لالا ياعيبدو راك غالط
راهي داتني في هاذيك السخانة ودورت بيا كامل الحوانت على حب الخردل بصح مع الاسف ماشفتش كيفاه دارتها رجعت للدار كنت دايخة ههههههههه رقدت شكرا الزعيمة علاه ماعيطتيليش نجي نصور الصلصة |
ولي ماعندوش شاهد………كذاب بلاك يا عيــبدو ركز عليها هههههههههه
