Save Your Lifes : Diabetes Medical ID

.. .. .. .. .. .. .. ..

12 رمضان 1443 هـ
الساعة 40 : 10 صباحاً
أحد شوارع الرياض

فهـد : زحمة هنا , وش عندهم ؟
تـركي : شكل فيه أحد تعبان

فهـد : خلنا نشوف وضعه

فهـد : سلامات وش فيه ؟
أحدهم : طاح وما ندري وش فيه ؟
فهـد : طلبتوا الإسعاف ؟
أحدهم : في الطريق
فهـد : تركي جيب عدّة الإسعاف من السيارة بسرعة , طيب تعرفونه ؟
أحدهم : لا والله

فتشـه فهـد ولقى بـ محفظته بطاقة مكتوب فيها معلومات عنه , ثواني وتركي جاب عدّة الإسعاف

فهـد : سريع سريع , طلّع جهاز تحليل السكّـر , طلع الولد مريض سكّر

تركي : وكيف عرفت ؟
فهـد : شف ذي ! أشوى إنه شايلها معه
فهـد : طلع 60 ملغم .. تركي عطني ابرة الجلوكاجون
أحدهم : ربي يشفيه , كيف وضعه الحين ؟
فهـد : لا بسيطة , إن شاء الله ربع ساعة والأمور تمام , بس خلوني أكلم أحد اقاربه الحين يجيه

فهـد هذا مو دكتور ولا أخصائي , هو شاب عادي حياته عادية وكل شيء عادي عنده , إلا إن والده مصاب سكّـر فـ عارف كيف يتصّرف وعدته في السيارة عشان أبوه

تبون تعرفون وش كان في محفظة الولد , وعرف منه فهـد إصابة الولد بالسكّـر !
طيب أجيكم بالسالفة الحين : )

.. .. .. .. .. .. .. ..

كان الولد حامل بطاقة زي هذي :

يسمونها بطاقة طوارئ أو Medical ID Card
فيها اسمه ورقم أحد من الأهل للطوارئ , مرضه , المستشفى إللي يتعالج فيه , رقم ملفه الطبي .

هذي البطاقة يحملها أي مريض , طفل , بالغ , شايب ……. لا سمح الله صار له شيء , يعرفون إللي حوله بحالته , وتنفع كثير كثير كثير للأطفالخاصة في المدارس لو عنده ربو , سكر , سيولة دم , مشاكل في القلب ….. , يصير يسعفون حالتهم قبل مايدقون على أهاليهم ويرعبونهم .

تسمى البطاقة بـ :
المعرّف الطبّي أو Medical ID

ظهرت أول مرة في عام 1963 م , كانت الجمعية الطبية الأمريكية صممت شعار طوارئ ينحط على جميع المعرّفات الطبية من قدام , ومن ورا يحطون معلومات المريض
هذا الشعار :

المعرّف الطبي أو الـMedical ID له أشكال متعددة

بطاقة

تعليقة

Front

Back>

اسوارة

وكلها تحتوي نفس المعلومات , إللي هي :

+ المعلومات الشخصية : الإسم , رقم أحد من الأهل للطوارئ , المستشفى إللي تتعالج فيه , رقم ملفك الطبي

+ الحالة الطبية : مرضك

+ الحساسية : سواءً كانت من الأكل , الأدوية , …<

+ الأدوية اللي تستخدمها بشكل دائم

يحملها الأشخاص إللي مصابين بأمراض في القلب , السكر , حساسية الأكل والأدوية , الربو , الصرع , التوحد , الزهايمر

أو حتى إنتَ !

وإنتَ بكامل صحتك تقدر تأخذ لك مثلها , الدنيا عجايب ويمكن تحتاجها بيوم : )

إيش الأفضل ؟

يفضّل إنك تستخدم التعليقة أو الإسوارة لأنها مرئية وواضحة , كمان أسرع من إني أفتشّ بأغراضه الشخصية وأطلع البطاقة ووووو .. !

كيف أجيبها ؟

+ البطاقة +

تقدر تطبعها من الموقع وتعبيها بيدك

كود:

كود:Printable Medical ID Cards from MEDIDS.COM

أو

تعبيها أون لاين وتطبعها من

كود:

كود:http://www.medids.com/free-medID-card.html

أو

تقدر تصممها بنفسك بسهولة ..
افتح وورد وحط لك مربع 9 × 6 سم واكتب البيانات واطبعها وغلفها حراري وإنتهينا : )

كود:medical id card.rar

.. .. .. .. .. .. .. .. ..

+ التعليقة والإسوارة +

من مواقع البيع على النت , أو تصممها من نفسك على Stainless Steel في محلات الدروع وطباعة التي شيرت .
وهذا من أشهر المواقع المعروفة في تصميم الـMedical ID :

كود:كود:
Medical ID *****, Medical Bracelets, Necklaces, Charms, Custom Engraved Jewelry

جرّب تهديها لشخص عزيز عليك وأنا متأكدة إنه راح يفرح فيها