السلام عليكم ورحمة الله تعالى وبركاته
واش راكم صافا
اليوم جبتلكم البراج وهي حلوة الربيع كيما يقولو
وكل منطقة وكيفاه يسميوها
نبداو على بركة الله
المقادير
3 كيلات ونص حرشة (دشيشة ) + كيلة زبدة + شوي ملح + ماء زهر + شوي ماء
طريقة التحضير
نكيلوو 3 كيلات ونص حرشة وشوي ملح
انا ديت الكيل بلبوات تاع زبدة لابال هادي وكل وحدة والكيل تعهاا 
وكيلة زبدةة
تفرغي الزبدة في حفرة كنتي درتيها فالحرشة من قبل 
تخلتي الخليط جيدا بيديك كيما هادا
تجيبي شوي ماء زهر وتذوبي فيه الملح من بعد ترديه على العيجن كامل
وتجيبي شويا ماء ماشي بزااف قدر متقدري تجمعي العجينة فرااات
وتقسميها على زوج
الان تخليو العجينة ترتاح وتروحو للغرس لازم يكون منقي مليح 
تزيديلو مغرف صغيرة عسل
انا درت العسل الحر مي ماشي شرط ديري عسل عادي ولا تقدري مديريش مجرد اضافة
وملعقة صغيرة زبدة
طبعا انا زدت هاد الاضافات لانوو يخليو لغرس طري في يدك وتقدري تطرحيه بسهولة
واكيد مننساوش القرفة والقرنفل مرحيين مليح
تعجنيه مليح مليح حتى يولي خليط القرفة والقرنفل في كامل غرس
تخليه في جهة وتجيبي طابل تمسحيها مليح
وتفرشيلها نيلون غذائي 
وتدهنيه بالزبدة مليح 
وتدهني عجينة الغرس من الفوق والتحت وتحطيها وتطرحيها على النيلون لي حطيتيه بشكل مستطيل طبعا لغاية من بعد تعرفو علاه مستطيلة 
تجيبي عجينة وحدة من لي قسمتيها قبيل وتطريحيها مليح بشكل مستطيل
تجيبي لغرس ترفديه بالنيلوو وتحطيه فوق العجينة بالمقلوب يعني الغرس لتحت والنيلون الفوق باه تقدري تنحيه 
تنحي النيلون بشويا 
حتى تخلصيه كامل وميهمكش ادا كانت لعجينة كتر من الغرس لانو من بعد ترفديها
درك نبداو نطلعو العجينة الزايدة لي على الاطراف
تجيبي لعجينة التانية وتبداي تفتتيها فوق الغرس كطبقة فوقوو
تحاولي تحطيها بالتساوي على الغرس كامل حتى يتغطى مليح
ميهمكش الشكل درك لانو بالحلال راه تعاودي تفردي العجينة مليح
الان نروحو للطابع تاع البراج عملي بزااف ويعاونك وتخلصي تم تم بلا تعب
ممكن تقطعيه بالموس عادي لكن هكاك يردك فالتعب ويحوالو عينيك قد مادققي باه يجو قد بعضاهم 
فهمتو درك علاه قلتلكم شكل مستطيل ……….. هكا ماتضيعلكمش العجينة بزااف
حطوه على العجينة واضغطوو عليه مليح باه يتقطعة الكعبات مليح
نروحو درك للباقي لي على الاطراف باه ميفسدش ومتتعبيش تنحي الغرس وتعاودي
ارفدي الطابع وديري كيما لي فالصورة 
وهكاا شوفي كيفاه يوليو الاطراف ومتخسريش خلالاص
الان نروحو للطياب
بزااف يشكيو من دخاان بزااف وتعماو عينيهم
جبتلكم الحل النهائي وهو انو تحطو طجين لي طيبو فيه البراج فوق طجين الطين تاع الكسرة
يعني تحطو طجين الكسرة لتحت وطجين البراج فوقو وتنقصوو فالنار
وتحطو البراج يطيب 
ومتقعدوش كل دقيقة تحركوو فالكعبات كي تحطوهم اصبرو حتى يطيبو مرة وحدة وقلبوهم
ونزيدلكم ادا تفتت كانش حبةى على الطجين تم تم انفضو هديك البلاصة باه ميتحرقوش
قلبوهم بالبلاعقل 
متلومونيش نص تحرق ونص تفتت تحرقو يديا هههههههههههه :educ40_smilies_3:
راني اول مرة نديرو احم احم
نروحو للشكل النهائي 
لي يضحك قاتلاتو اليوم راهي اول تجربة لياا
كي نزيد نعاود نوريلكم الشكل النهائي
ايا بصحتكم
نتمنى يعجبكم
مكان لاه نقولكم اذكرو المصدر كتبتو بيديا هههههههههه
تحياتي انا مشرفة ركن الطبخ غزالة المنتدى :educ40_smilies_3:
بارك الله فيك بنت خويا على الشرح والصور
بارك الله فيك
مممممممممم باين يشهيي يعطيك الصحة
او سلامة يديك التومية ديالي
انا غدوة نجي لام البواقي وجديلي سينية كامل ونجيب معايا لبن ولحليب نتاع البقرة هههههه
حاجة اخرى راكي الله يبارك لبراج خدمتيهم فوووووور ربي يحفظك
ونستناو الكسولة نتاع ريحانة واش راح طيبلنا هههههه
متابع …
طبعا أكلات خولة لا يعلى عليها هههههه
مي لازمنا نخدمولك شعار بإسمك بإسم المنتدى
وعودي حطيه بالصور باش تعطيهم رونق خاص أحسن من التعفاس لي راكي دايراتو فيهم ههههه
وصفة تقليدية جد رائعة لموسم الربيع
