السلطه : سلطه ايطاليه
المقبلات : قوارب البطاطس المحشيه بالجبن
الطبق الرئيسي : لفائف الازانيا
الحلويات : كيكة الشوكولاته
………… ……… ……… ……… ……… ……… ……… ……… …..
{ السلطه الايطاليه…
المقادير
خس مقطع
خيار مقطع شرائح
فلفل اخضر مقطع
طماطم مقطع
جبن ابيض
زيتون اسود
الصلصه :
2ملعقه كبيره زيت زيتون
ملعقة كبيره عصير ليمون
ملح – نصف ملعقه صغيره زعتر بري
ربع فص ثوم مفروم ناعم
نحط مقادير الصلصه في علبه … ونرجها وتصير عندنا كثيفه وتكون بهذا الشكل
نحط الخضار مع بعض في طبق التقديم … ونحط عليها الجبن المقطع مكعبات والزيتون الشرائح
نصب الصلصه على الوجه ونزينها بالجزر بشكل ورده
وهذا طريقة عمل وردة الجزر
نحتاج الى
بطاطس صغيره او متوسطه
نسلق البطاطس نصف سلاق تقريبا لمدة 10 الى 15 دقيقه بعدين نقطعها بالنصف
ونحفرها بملعقه صغيره بالوسط
نجهز خلطه للبطاطس وهي
في كيس نضع 3 ملاعق من الطحين مع ملعقة حليب بودره وثوم بودره وبهارات
نضع قطع البطاطا في الكيس ونحركها حتى يغطي الطحين حبات البطاطا
ونقليها في زيت غزير
نحضر الحشوه :
علبه صغيره جبن شيدر مبشور وملعقه ونصف قشطه وفلفل اخضر حار مقطع ( ممكن نستخدم بارد ) نخلطهم مع بعض ونحطها بالفراغ بالبطاطس ونحطها بصينيه وندخلها الفرن من فوق الى ان تذوب الجبنه
نقدمها مع السور كريم بس احنا بالحسا ماعندنا وبدلها نسوي خلطه من ملعقتين لبنه وملعقة روب
ويقدم
المقادير
لازانيا
الحشو :
لحم مفوم ..او لحم دجاج مفروم
فلفل اخضر مقطع – جزر مقطع مكعبات ومسلوق – فطر مقطع
بصل مقطع – ثوم مفروم ناعم
صلصة مكرونه
عندك خيارين اما تستخدمي الجاهزه او تسوينها بنفسك
مقادير الصلصه:
بصله مفرومه – 2 طماطم مطحون – فص ثوم – صلصة طماطم حسب الحاجه
ملح وفلفل وزعتر بري – زيت
لعمل الحشوه :
نحمر البصل ثم نضيف الثوم ونستمر في التحريك ثم نضيف الصلصه والطماطم
ونستمر بالتحريك الى ان تتسبك طبعا ونتبلها بالملح والفلف والزعتر
الحين الحشوه:
نحمر البصل ونضيف له الثوم ونحط اللحم ونستمر في التقليب ونضيف الفلفل الاخضر والفطر الى ان تنضج اللحمه والخضار بعدين نضيف الجزر المسلوق
ونستمر بالتقليب ونتبلها بالملح وبهارات مشكله
نغلى ماء في جدر كبير
ونبتدي ننزل الازانيا 3 شرائح كل مره واذا استوت نرفعها من الماء المغلي بملعقه كبيره ونستمر في سلق الازانيا حتى تنتهي الكميه
نبتدي بلف الازانيا
نجط شريحة لازانيا ونحط عليها الحشوه
نلفها ونحطها بصينية بايركس يكون فيها قليل من صلصة الطماطم ونستمر في اللف لحد ما ننتهي من الكميه
نغطي الازانيا بباقي الصلصه الحمراء ونحطها بالفرن لمدة 10 دقائق ويكون الفرن شغال من تحت بس
بعدين نطلعها ونصب عليها كريمة الخفق ونرش الوجه بجبن موزريلا ونغطيها بالقصدير ونرجعها الفرن مره ثانيه لمدة 15 دقيقه
نطلعها من الفرن وهذا شكلها
نحط بالصحن قطعتين ونقدمها مع خبز بالثوم
طريقة الخبز بالثوم
نقطع الصمون شرائح
نخلط ملعقتين زيت زيتون مع نصف فص ثوم ونصف ملعقه صغيره زعتر بري وشوية ملح
ونصب الخلطه على شرائح الصمون ونحطها بالفرن من فوق حتى تتحمر
*****
ملاحظه :
ممكن نستبدل الخضار اللي قلتهم بأي خضار موجوده عندك ( مثلا بطاطس اوكوسه ) او اللي تفضلينه
اذا ماتوفر عندك الزعتر البري استخدمي الزعتر العادي بس حاولي تشيلي السمسم
المقـــــــــادير:
كأس سكر
ثلاث ارباع كأس زيت
كأس ماء
4 ملاعق شكولاته بودره
4ملاعق حليب بودره
هذه الاشياء توضع بالخلاط ( الجيك )
بعد ماتخلطينها زين خذي من هذه الخلطه نصف كأس وخليهم على جنب
.بعدين اضيفي الى الباقي بالخلاط 2 بيضه
وقليل من الفانيليا.اخلطيهم جيدا ثم صبي هذا الخليط على 1 وربع كأس دقيق وملعقه كبيره بيكنج بودر
صبيها بصينيه مدهونه بالزيت
بعدين ادخليها الفرن لحد ماتستوي الكيكه.وبعد ماتخلص ونطلعها من الفرن صبي الخلطه اللي انتي رفعتيها على جنب
نقطعها شرائح ونقدمها
انا قدمتها مع اسبريسو
المقـــــــــادير:
كأس سكر
ثلاث ارباع كأس زيت
كأس ماء
4 ملاعق شكولاته بودره
4ملاعق حليب بودره
هذه الاشياء توضع بالخلاط ( الجيك )
بعد ماتخلطينها زين خذي من هذه الخلطه نصف كأس وخليهم على جنب
.بعدين اضيفي الى الباقي بالخلاط 2 بيضه
وقليل من الفانيليا.اخلطيهم جيدا ثم صبي هذا الخليط على 1 وربع كأس دقيق وملعقه كبيره بيكنج بودر
صبيها بصينيه مدهونه بالزيت
بعدين ادخليها الفرن لحد ماتستوي الكيكه.وبعد ماتخلص ونطلعها من الفرن صبي الخلطه اللي انتي رفعتيها على جنب
نقطعها شرائح ونقدمها
انا قدمتها مع اسبريسو
طريقة الاسبريسو
فنجان سكر – فنجان نسكافه – فنجان ماء
ونحطهم بالخلاط لما تصير عندنا شوية رغوه
نجيب حليب حار مغلي ونصبه بالفنجان وناخذ مقدار من الخلطه السابقه ونحطها على الوجه ونرش الوجه بكاكاو بودر
انا استخدمت صينيه صغيره على كمية الكيكه والباقي صبيته بصينية الكب كيك
وزينتها بمكسرات على الوجه
بألف هنااااااا وعاااااافيه
