كيكية !! خخخ

المهم ..

إليكم المقادير .. والطريقة ..

المقادير //

6 بيضات ..

كوب سكر ناعم ..

كوب دقيق ..

ربع ملعقة بكنج بودر

ملعقة فانيلا ..

شوية زيت ماعرف قد ايش !!

الطريقة //

* في خلاط الخلطة .. حطي السكر مع الست بيضات ..
واضربيهم في الخلاط ضربًا مبرحًا ..

* بعدها اضيفي الفانيلا .. والبكنج بودر .. واخلطيهم برضك ..

* وبعدها ابدئي حطي الدقيق .. شيئا فشيئا .. والخلاط شغال يخلط ..

الين تتماسك الخلطة وتصير زي خلطات الكيوك اللي دايما نسويها ..

* ندهن الصينية زيت .. ونرش عليه دقيق خفيف … نصب الخلطة ..

وطبعا هذا كله نسويه ونكون قيدنا مشغلين الفرن من قبل لا نبدأ ..

واحرصي انك اول ربع ساعة بالقليل ماتفتحي الفرن عشان تنتفخ الكيكية ..

واتأكدي من نضجها أو عدمه .. بانك تدخلي سكينة فيها من اي منطقة ..
ولو خرجت السكينة نظيفة معناها استوت .. ولو نشبت العجينة فيها
يعني لازم تخليها شوية !!

نجي للتزيين ..

الاشياء المستخدمة //

دريم ويب ..

شوكلاتة بودرة ..

نكّاش اسنان ..

حليب سائل ..

مصفاية صغيرة الاخرام

الطريقة //

بعد ماتخرج المحروسة من الفرن ..

* حطيها فصحن مرتّب .. وسوي الدريم ويب ..
وطريقة تسويته مكتوبة على الكرتون ..

* المهم .. وزعي الدريم ويب عليها .. من كل الجواهي ..
وخليه شوية ينزل من الكيكة عالصحن ..

* وجيبي نكّاش الاسنان .. واسحبي اطراف الدريم ويب على برا كما هو موضّح
في الصور ادناه ..

* وبعدها جيبي المصفاية صغيرة الاخرام .. وحطيها فوق الكيكية ..

* وخليكي ماسكتها بايدك اليمين بينما يدك اليسار حيكون فيها ملعقة ..
بتحط الشوكلااتة في المصفاية .. وايدك اليمين بتهز المصفاية فوق الكيكية

عشان تتوزع الشوكولاتة ..

وبكده … تكون حصلتي على كيكية جميلة المنظر تسر الناظرين ..

وأخيــــــرن .. إليكم الصور //

الكيكية .. من الجنب ..

الكيكية من الجنب الآخر .. بطريقة أكثر وضوحًا

ـــــــــــــــــــــــــ ـــــــــــــــ

وبالهنا والعااافية ياارب ..