خيتو شمس هذي هيا الطريقه الي طلبتيها مني صورتلك ياها خطوة خطوة بتمني تفهميها وتجربينها و تنال اعجابك انت وأهلك يارب
المقادير
500غ سميد خشن
400غ سكر
قرصه ملح
1فنجان زيت نتاع قهوة الصغير مش الي حجمهم كبير بزاف
ماء الزهر +ماء
طريقة اعداد الحلوى الجزائرية
نضع السميد
نضيف السكر
ثم الملح
ثم فنجان نتاع الزيت شوفي صورتو كيفاش حجمو
نخلط الكل جيدا
ثم نولي نشمخو فيه بماء الزهر اذا كنتي من محبيه ريحتو في قلب اللوز شمخي غير بيه اذا ما كنتيش من محبين ريحتو بزاف خلطي ماء الزهر مع الماء وهون منقدرش نحددلك كمية لأنو على حسب نوعية السميد نتاعك كاين الي يشرب وكاين الي ما يشربش المهم انت شمخي وخلطي مليح حتي تقدري ديري كويرة في يدك شوفي الصور
ليكي حتي تقدري تشكلين كويرة فما حبسي
غطيه بكيس بلاستيكي وغطاء من القماش وخليه يبات غدوة من ذاك
-اشعلي على الفرن نتاعك
– ذوبي القليل من الزبدة
ادهني السينية نتاعك بالزيت
جيبي الخليط نتاعك خلطيه مليح اذا لقيتيه شرب ولقيتيه ناشف زيديلو شويت ماء الزهر او ماء حتي تاني يتكور في يدك
حطيه في سينية نتاعك بلا ما تضغطي عليه او تخبزيه
ديري كيس بلاستيكي في يدك واغطسيها في الزبدة واهني بيها سطحها و سقميه مليح بلا ما تضغطي
قطعيه و زينيه من فوق بحبات اللوز او كوكاو واذا ما عندكش الله غالب ما ديريش ههههههههه
ادخليه الفرن على نار هادئه باش يطيبلك غايه كي يحمار من تحت وهذا راه يبانلك على حواف السينية نتاعك
نزليه التحت وحمريه من فوق تاني على نار هادئة
كي يحمار فرغي عليه الشيربات باردة
شوي شوي وهو يولي يشرب كي شرب زيديلو شوي خليه عايم من فوق واطفئي على الفرن نتاعك ورجعيه ليه لمدة 5 ذ واخرجيه يبرد
[ الروابط مخفية مؤقتا،، سجل و تمتع بكافة الامتيازات للتسجيل السريع اضغط هنا]
قطعيه وخليه يبرد ويشرب في غرضو من الاحسن حتي للعشيا او غدوة من ذاك يتقطع
[ الروابط مخفية مؤقتا،، سجل و تمتع بكافة الامتيازات للتسجيل السريع اضغط هنا]
هنا حبيت نح وحدة باش نصورهالك خرجو فيا خاوتي 
قاع تعاندو وكان هجوم
بنتظر تطبيقاتكم ليه واكيد نقدكم
لو كانت بالصور لكانت افضل
ينقل الى فرع الحلويات
وكما قالت بسمة لو كانت بالصور لكانت احلى واروع
