فطيرة التفاح بطريقة مبتكرة!!!!!


	الطريقة والحق يقال مآخذتها من أخت في مدونة ثاني الله يجزاها كل خير…. والطريقة فعلا مميزه ومبتكرة…جربتها مره وأدمنتها أنصحكم بالإدمان….عفوا,,,قصدي بالتجربه… نبدأ … المقادير….. للعجينه…أي عجينه باي تضبط معاك…بالنسبة لي…كاس وربع طحين +ربع كاس سكر مطحون+ملعقة بيكنغ باودر+ذرة ملح+بيضة+إصبع زبدة+ربع كاس ماء بارد… تعجن المقادير جيدا…وتترك نصف ساعة لتتخمر… تفرد في صينية البايركس,,,بدون دهنها ونتركها نص ساعة ثانيه… خلال وقت التخمير…أجهز التفاح ونكتفي ب 3 تفاحات نقشرهم ونبشرهم… أحمس التفاح مع ملعقة زبدة وأتركه شوي يتحمر.. نضيف القرفة المطحونه والسكر والماء وعصير ليمونه وأتركها تتسبك شوي…وبعدين أتركها تبرد. أجهز الصلصة وهي عبارة عن 4 حبات كيري…والأفضل 8حبات وبيضة و4 ملاعق قشطة وفانيلا ونص كاس سكر…. أخلطهم باخلاط الكهربائي… نضيف الصوص للفطيرة… أضيف التفاح على الصوص….وأنثره بكل مكان….وممكن أتركه بهالطريقه… أو بإستخدام الشوكه أخلط التفاح مع الصوص ثم أضيفه…وشخصيا أفضل الطريقة الأولى…. فتكون الفطيره على شكل طبقات…. وأدخلها للفرن…. شكلها داخل الفرن…وتخيلي الريحه بس…. بعد خروجها من الفرن…. ممكن تتزين بصوص الكرميل الساخن وقبل التقديم تضيفين كرة آيسكريم…. شخصيا أحب البساطه في كل شي…(تقليل السعرات الحراريه..) شكل الطبقات من الجنب… والعجينه هشة وطريه وبسرعة تذوب بالفم… وألف هني وعافيه لأحلى عيون تابعت موضوعي…..