السلام عليكم ورحمة الله تعالى وبركاته
نحن على مشارف انتهاء شهر رمضان الفضيل
وعيد الفطر المبارك على الابواب
واكيد ميحلاش العيب بلا قاطو العيد
لي كل عائلة تتفنن في صنع الحلويات
وانااي منهم ههههههههههههههه
واليوم حنبدالكم مع قاطو ميطيبش وسهل الاستعمال وبنين
لي هو بنيون
على بركة الله
المقادير
كاس حليب لحظة مقلي
نص كاس فرينة مقلية
قاطو بيمو مرحي
حلة الترك
شوكولا
معجون
للتزيين شوكولا نوار + غلاصاج ولا شوكو بيضاء
طريقة التحضيرر
تهرسي القاطو بالمهراس لاني اناي جبت قاطو بيمو قاسح وفي نفس الوقت بنين ننصحك بيه
تضيفيلو حلوة الترك تفتتيها بيديك
تزيديلها الفرينة ولحظة لي قليتيهم فالمقلة من قبل ولازم يكون لونهم ذهبي لتسوديهم هههههه
بعدها تضيفي شوكو اناي خيرت فينوتي وانتي اختاري لي تحبيها
وطميها بالمعجون
عند يدك حتى تحسيها بدجات تتجمع
تفرشيها في سنية ومتوليها للحافة خلي مكان فارغ هكا باه تقدري تعرفي السمك تاعو وتتحكمي فيه كيما تحبي
كيما وريتلكم فالسهم
تذوبي شوكولا نوار في حمام مائي
وتحطيها فوقو
بواسطة السباتولا تمشي الشوكو عليه كامل حتى يتغطي
يعني تكون طبقة تاع الشوكولا الفوق
تحطيها في فريجيدار حتى تجدم الشوكولا
وتبداي تقطعيها من الاحسن بواسطة سكين حادة لانو تكون جامدة ولا طابع تقدري ديري بيه هههههههههه
اناي درتها مربعات ليك الاختيار فالشكل والتزيين
اناي رشمتها بالغلاصاج بيض
درتلها رشمة من الفوق
تجيبي بوشات جديدة ديري فيها الغلاصاج وديري ثقبة صغيرة باه تقدري تتحكمي فالرشمة
الصورة مظلمة راها على 4 تاع الصباح ههههههههههه
اكيد ننصحكم مديروش رشمة كيما تاعي لانو يدي راها بالفاسمة ههههههههههههههه
رشمت حتى مسكينة قريب كسرتها 
متلوموش اول مرة نرشم ههههههههههههههههههههه يدي تترعد شويا المرة الجاية ان شاء الله نديهم ملاح
والان مع الشكل النهائي
ان شاء الله يعجبكم بالصحة والعافية
الشيف الغزالة
ترقبو حلويات اخرى باذن الله تعالى
ربي يعطيك صحيحتك ^^ هههههه
مع اني اول المشاهدين ان شاء الله تخليني نكون اول واحد يذوق ..
سلمت الأيادي حبيبتي
بانتظار جديد شيف المنتدى * الغزالــــة
اعطيك الصحة نستعرف بيك
انا كون نموت مانعرفش نديرها الله غالب مكسرة محسرة
يعطيك الصحة
نونونو ماتممديش لمنال لولا لي ادوق ههههههههههههه
كعادة دائما مميزة يا بنت خويا لعزيزة
تقبلي تحياتي وسلامي
متنسايش لبار انتاعي برك يا تعرفيني اول دار نبدى بيها نهار العيد داركم
