اليوم عرس فلسطين .بس ما بعرف أزغرد !

امبارح كنت في عزاء ..علشان صديقتي ابنها استشهد ..
واليوم عم بسمع أصوات زغاريد من جميع الاماكن..
الجليل..حيفا..يافا والخليل..

قلت :شو صاير ..الظاهر في عرس اليوم..؟؟!
بعدين أخوي الصغير أعطاني قهوة سادة..وكنافه بقولي
سموها (كنافة فلسطينية مستقلة)
قلتلو شو هالحكي ..معقول..
قلي:اليوم إجازه ..ما احنا استقلينا..
واليوم عرس فلسطين..!!
كنت حابه أزغرد..بس ما بعرف.
.حمد لله من صغري ما بحب أكذب على حالي..!!

ممكن كلامه حقيقه..
يعني الحلم صار حقيقه..
ياي..يعني بكرا بدي أروح على بحر يافا..

بعده: بدي أصلى في المسجد الاقصى..
وبعده :بدي أزور صديقتي في حيفا أكيد رجعت لبيتها..وودعت المخيم..
و……و..

كل هاد تحقق في يوم..
يا عم ..كل شيء مستحيل..إلا أرادة الانسان..ما بينها مستحيل..

سمعت كمان زغاريد ..
نادوني علشان أختي ولدت..وسمت بنتها فلسطين..
قلت مستقله ولا لا..؟؟!
منهم بكى ومنهم مات من الضحك..!!

وقالوا هلا لازم تتعلمي تزغردي..
حاولت كتير..ما قدرت..
ممكن بس أصحى من النوم ..أعرف أزغرد..
……………………. ……………………. ……………………. ……