دجاجة معمرة بالكفتة وحمرتها في الفران
ناخدو دجاجة من بعد ما تغسلت و قطرت مزيان ندهنوها بخليط ديال الملحة و سكنجبير
طري محكوك
ناخدو الكفتة قياس رابعة تقريبا "على حساب كبر الدجاجة" نعطروها بالملح + الكمون +
بزار + الخرقوم + ثومة + شويا ديال القسبر ومعدنوس مقطع والى بغيتو زيدو شويا روز
نخلطو مزيان الكفتة ونديروها وسط الدجاجة
ناخدو ورق الالمنيوم يتدهن بشويا زيت نحطو دجاجة وسطو ندهنوها حتى هيا بالزيت
ونغطوها بورق الالمنيوم مزيان نديروها في لاطة وندخلوها في الفران شي ساعة ونص
على نار متوسطة حتى تطيب نحيدو ورق الالمنيوم ندهنوها بالزبدة و نخلوها تتحمر
وتولي بحال هاد الشكل
و درت معاها زعلوك بالدنجال المقلي
الطريقة ديالتو
دنجال مقطع دوائر ومقلي بقشرتو ملي يتقلى يتقطع مربعات و يتمعك
لصوص :شوي زيت نص بصلة مقطعة مربعات تتقلى مع 3 ثومات حتى تدبال نزيدو عليها 4
مطيشات متوسطين مقطعين مربعات العطرية ملح + بزار + كمون + سكنجبير + تحميرة +
خرقوم و لهريسة غبرة … حتى تطيب لصوص نضيفو الدنجال نحاولو نعصروه شويا من الزيت
لي فيه و نزيدو عليه الزيتون مقطع دوائر و الحامض مصير مقطع نخلوه شي ربع ساعة
حتى لعشرين دقيقة ويوجد
يتكال سخون او بارد ومن الاحـسن حتى يبرد يجي زوين سن حتى يبرد يجي زوين
نتمنى يعجبكم
امووله مشكوورة على الجلب اللذيذ ممممممممم
